يُمـه مِـنّه

موضوع: يُمـه مِـنّه الخميس مايو 26, 2011 9:53 pm

●
●

يُمـه مِـنّه
والله مافـ الدنيا مِـنّه
الهَوى ... و العشق والأشواق فَـنه
جنن "قلـيـبـي" وربي يا هو فنان
هو لحاله ..
خلى حَالِي بالهوى من جد حَالَه

عاش عُمره ينتظرني
ڪلما يدعيه شوقي ... شدّ من يَمي رِحاله
وانا احـبـه
وآتدلع ... وآتغنج
وهو يجـنِـني {~ هباله

ياحلاته ... طير شلوى
ڪلما تطري على بالي شفاته
سَال ريقي ...!!
يا غلاته ...
ياجماله
حَبِني وادمـى شفاتي
قلت له ( آي )
قال لي ( هذي رسالة )
قلت ( وَصّلَتْ ... بس حاسب )
قال ( تسلم لي يا قلبي ... يا دلاله )

وضَمني حيل
قلت ( ارفق )
قال ( تو الناس بدري )...
ما بدينا ... ما لوينا من ورى ظهرڪ يدينا
ما تهنينا بـ ضَمة ...
خَلِي آخذ بس فُرصة ... ودي اقهر واحدٍ ملعون جد
ودي اقطع من وريده لين تتقطع حـباله ..!!
قلت ( منهو ...؟! )
وابتسم لي
قال ( واحدٍ من جِد ماطِيقه يسمونه.. جفى . )
قلت ( تڪفى ... إلعن أُمه شد حيلڪ )
قال ( والله لقتله واربط عياله )

وضَمني حيل ... ياهو مجنون
ومادريت الا وانا اشهق ...
وشوفي عاد شهقة البنت وش تسوي به يا يُمه..~
خَلَته مللللللللح ...!!
وقمت أصَفِق في ڪفوفي ... مدري ليش ...؟!
وتنتفض بالقيظ يا يُمه ڪتوفي ... ما هو برد
مدري ويش ...؟!
وآتعبر
لعن ابوه الحضن ... جنني ...ودهوَرني ... ما دريت انه ڪِذا
رَجَعْ العُمر اللي مات
والضحڪات ... والآمال والأحلام والنشوّة بعد
وقمت اشد يديه واترجاه يرحمني
والله حالة

قال ( ابا اشرب )
قلت ( ايش ...؟! )
قال ( من ڪاسڪ يا سلمى )
وابتسمت وقلت ( انا اللي أشتهي اشرب هواڪ )قال ( ڪاس ...؟! )
قلت ( يووووه ... ياخي عطني لو بيالة )

ودااااااخ يُمه
والله انه داخ وانا اللي مسڪتّه لا يطيح
قلت ( يؤ ... شد حيلڪ ... وين "زيد" اللي اعرفه ...؟!
الهوى يحتاج شِدَة ...!!
ابق رجَال ... وتماسڪ )
قال ( سلمى )
قلت ( لبى عيونها )
قال ( مُمڪِن يعشق الإنسان نفسه ...؟! )وقمت اناظر فيه ... وافڪِر ... وآحلل في سؤاله
قلت ( عِشق أوديب يعني ...؟! )
قال ( مَالت ... ما لقيتي غير أُوديب المياعة و السِفالة ...؟!
أَيْ اوديب ... وأيْ غيره ...
اقصد انتي صِرتي نفسي ...
وانا اموت اموت اموت في عشقڪ
و جناته ... و ناره
ونور بدره واڪتماله

قلت ( زيد ...! )
قال ( لبى عيون زيد )
قلت ( ضُم )
قال ( لا )
قلت اقول لڪ ( ضُم )
قال ( لا )
قلت ( طيييييب ...!! لا تضم ... انا اوريڪ النذالة )
ورحت عنه ارڪض فديته..
وقام يلحقني يبي ضمة
"ڪسر قلبي وربي"
يا حلو زيد وهو يرڪض من ورى سلمى وهي تضحڪ من خباله
صار ڪنه طفل يطرد ورى طفلة ...
ياخذت منه حلاوة ... أو خذت منه رياله
لين دخنا

قال ( سلمى )
قلت ( لبى قليب سلمى )
قال ( ضُميني فديتڪ )
قلت ( لا )
قال ( ضُميني يا سلمى )
قلت ( لا )
قال ( طيييييييييب ...!! لا تضمين ... انا اوريڪ النذالة )وراح يرڪض ... يحسب اني بـ الحَقّه
وما لحقته ... قلت خله ينقهر زود
وطِحت ضحڪ
ماعرف ڪيد البنات ... ولا دلعهم و الرزالة
وانقهر مني بَعدهُم ڪلهُم
يااااااااااااه
يا عساني فدوته يوم عَصَب ...وقال لي في صوت عآآآلي
( سلمى ضُميني احسن لڪ )
قلت ( هاااا ... إيه
...
إلا ... بس ... لڪن ...!!
زين ... طيب ...
يُمه ... يُمه ... خفت منڪ ... لا تسوي بي ڪذا
ترى اصيح )
وانفجر ضحڪ
بس والله ما حضنته ... أعجبڪ حيل
قلت له ( انتهى وقتي حبيبي ... لازم ارجع )
قال ( مرخوصة يا سلمى )
وقام يوادعني وأخذ مِنديل يَدِي
هو يشمه ... وانا ألوي اصبعي باطراف ڪُمه وآتعبر
وانا وادعته عقب ما خذت " قلبه " في عيوني
وفي يديني خذت من راسه عقاله
قال ( اشوفڪ يا غلاي ...؟! )
قلت ( ڪيف ...؟! )
قال ( باڪر )
قلت ( خلها بـ ظروفها ...
والله مدري .. يغير الله في ثواني ياغلا سلمى بين حال وبين حالة )
وابتسم لي ... وابتسمت
ورااااح يَم الشام
وانا فيذا ... بين نجد وبين وجد
ارتجي حامي دفاه
وارتجي بارد ظلاله

مما راق لي

موضوع: رد: يُمـه مِـنّه السبت مايو 28, 2011 11:44 am

الله يسعدك...ذوووق وأختيار رائع وجميل..دمتي بود

موضوع: رد: يُمـه مِـنّه الأحد يوليو 31, 2011 6:10 pm

مـــشــــكـوره يــــــــــآ ➹مَـ ـآءْ الْسّمَـآء➹

كلام مررره مررره نايس يسلمووو

يعطيك العاافيه الله الله كلاام روووعه